امید ہے اگلا ہفتہ نواز شریف کا آخری ہفتہ ہوگا، عمران خان

کرپشن کی سیاہ رات انجام کی جانب بڑھ رہی ہے،اب ان کے خلاف کرمنل کاروائی ہوگی، آرٹیکل 62/63کے تحت نواز شریف مکمل طور پر نااہل ہو چکے ہیں، سربراہ تحریک انصاف

ہفتہ 15 جولائی 2017 21:52

اسلام آباد(اُردو پوائنٹ اخبار آن لائن۔ اتوار 16 جولائی 2017ء)تحریک انصاف کے سربراہ عمران خان نے کہاہے کہ مجھے امید ہے اگلا ہفتہ نواز شریف کا آخری ہفتہ ہوگا۔کرپشن کی سیاہ رات انجام کی جانب بڑھ رہی ہے۔یہ بات انہوں نے ایک امریکی اخبار کو انٹرویو دیتے ہوئے کہی۔

(جاری ہے)

انہوں نے کہا کہ اگلے ہفتے نواز شریف کے لئے اسلام آباد میں ایک بڑی الوداعی تقریب منعقد ہوگی۔گزشتہ سال جب پاناما لیکس میں نواز شریف کے بچوں نے کے نام آئے تو میں نے رسیدیں دکھانے کا تقاضا کیا۔شریف خاندان نے عدالت میں جھوٹ بولا اور فراڈ کیا۔ عمران خان کا کہنا تھا کہ اب ان کے خلاف کرمنل کاروائی ہوگی۔آرٹیکل 62/63کے تحت نواز شریف مکمل طور پر نااہل ہو چکے ہیں۔