صدارتی انتخاب میں حصہ نہیں لوں گی، ہلیری کلنٹن

پیر 11 ستمبر 2017 14:11

نیویارک ۔ (اُردو پوائنٹ اخبار آن لائن۔ منگل 12 ستمبر 2017ء) سابق امریکی وزیر خارجہ ہلیری کلنٹن نے کہا ہے کہ وہ اگرچہ سیاسی طور پر متحرک رہیں گی لیکن صدارتی انتخاب میں حصہ نہیں لیں گی۔ انہوں نے اس فیصلے کا اظہار اپنی نئی کتاب ’’واٹ ہیپنڈ‘‘ میں کیا ہے جس کو آج (منگل کو) شائع کیا جا رہا ہے۔ اس حوالے سے امریکا کے سی بی ایس ٹی وی پروگرام میں اظہار خیال کرتے ہوئے انہوں نے کہا کہ ان کے خیال میں ان کے ملک کا مستقبل دائو پر ہے اور اب وہ سیاست میں پہلے جیسی سرگرمی سے حصہ نہیں لیں گی خاص طور سے 2020 ء کے صدارتی انتخاب میں حصہ نہیں لیں گی۔

اپنی کتاب میں ہلیری کلنٹن نے اگرچہ 2016ء کے صدارتی انتخابات میں اپنی شکست کی ذمہ داری قبول کی ہے لیکن ساتھ ہی یہ بھی کہا ہے کہ ان کی شکست میں امریکی صدارتی انتخاب کی مہم میں روسی مداخلت اور ان کی طرف سے سرکاری ای میلز زاتی سرور پر وصول کرنے کے معاملے جیسے بیرونی عناصر کا بھی کردار رہا ہے لیکن موخر الذکر میری فاش غلطی تھی۔

(جاری ہے)

انہوں نے ایف بی آئی کے سابق سربراہ جیمز کومی بارے کہا کہ ان کی طرف سے ای میلز کے معاملے کی تحقیقات کو صدارتی انتخاب سے چند روز قبل افشا کرنا ان کی شکت میں فیصلہ کن ثابت ہوا۔

انہوں نے کہا کہ وزیر خارجہ کے عہدے سے سبکدوشی کے بعد ان کی طرف سے مختلف اداروں میں معاوضہ لے کر لیکچر دینا بھی ان کی ایسی غلطی تھی جس کا نتیجہ ان کو صدارتی انتخاب میں شکست کی صورت میں ملا۔ ان لیکچرز کے حوالے سے میرے مخالفین کے پروپیگنڈے نے مجھ پر امریکی عوام کے اعتماد کو ٹھیس پہنچائی۔

Facebook Twitter Google + Share on Whatsapp

صدارتی انتخاب میں حصہ نہیں لوں گی، ہلیری کلنٹن

منگل 12 ستمبر 2017 کی مزید خبریں