نواز شریف اور انکے بچوں کیخلاف دائر ریفرنسز پر اعتراضات کا معاملہ

ڈپٹی چیئرمین ، ڈائریکٹر آپریشنزاور پراسکیوٹر جنرل نیب کی نگران جج جسٹس اعجازالاحسن سے ملاقات، ریفرنسز پر احتساب عدالت کے اعترضات سے آگاہ کیا گیا

منگل 12 ستمبر 2017 22:48

اسلام آباد (اُردو پوائنٹ اخبار آن لائن۔ بدھ 13 ستمبر 2017ء) سابق وزیر اعظم نواز شریف اور انکے بچوں کیخلاف دائر ریفرنسز پر اعتراضات کے معاملے پر ڈپٹی چیئرمین ، ڈائریکٹر آپریشنزاور پراسکیوٹر جنرل نیب نے نگران جج جسٹس اعجازالاحسن سے ملاقات کی ہے جس میں انہیں ریفرنسز پر احتساب عدالت کے اعترضات سے آگاہ کیا گیا ہے ۔

(جاری ہے)

ذرائع کے مطابق نیب حکام نے نگران جج کو بتایا ہے کہ اعتراض صرف ایک ریفرنس پر صفحہ نمبر درست نہ ہونے پر لگایا گیا ہے ،جے آئی ٹی رپورٹ میںصفحہ نمبر کی غلطی ہے ،رپورٹ کی اصل کاپی میں بھی یہ غلطی موجود ہے ،رجسٹرار احتساب عدالت کو اس حوالے سے تحریری طور پر آگاہ کیا جائے گا ،ذرائع کے مطابق نیب حکام نے جے آئی ٹی رپورٹ میں غلطی سے متعلق رجسٹرار آفس سپریم کورٹ کے خط کی استدعا کی ہے ، نیب حکام یہ خط ٹرائل کو رٹ کے رجسٹرار کے پاس جمع کرائیں گے ۔ ذرائع کے مطابق رجسٹرار آفس نے اصل ریکارڈ کا جائزہ لینے کے بعد نیب کو خط جاری کرنے کا فیصلہ کر لیا ہے۔