چیف آف آرمی سٹاف جنرل قمر جاوید باجوہ کی آسٹریلیا کی سول اور فوجی قیادت سے ملاقاتیں

بدھ 13 ستمبر 2017 23:15

اسلام آباد ۔ (اُردو پوائنٹ اخبار آن لائن۔ جمعرات 14 ستمبر 2017ء) چیف آف آرمی سٹاف جنرل قمر جاوید باجوہ نے آسٹریلیا کی سول اور فوجی قیادت سے ملاقاتیں کی ہیں۔ بدھ کو آئی ایس پی آر کی جانب سے جاری کئے گئے بیان کے مطابق چیف آف آرمی سٹاف جنرل قمر جاوید باجوہ جو کہ آسٹریلیا کے سرکاری دورے پر ہیں ۔ انہوںنے سینیٹر ڈیوڈ فاسیٹ کی سربراہی میں آسٹریلیا کی سینیٹ کمیٹی برائے خارجہ و دفاعی امور، ایئر چیف مارشل مارک بنسکن اور سیکرٹری دفاع گریک موریارٹی اور ایئر چیف مارشل گیون ڈیویز سے ملاقات کی ۔

آرمی چیف نے جوائنٹ آپریشن اینڈ پلاننگ ہیڈکوارٹرزاور فورس ہیڈکوارٹرز کا بھی دورہ کیا ۔ انہوں نے آسٹریلین سٹریٹیجک پالیسی انسٹیٹیوٹ اور نیشنل اسسمنٹ کے دفتر میں بھی بات چیت کی جہاں انہیں آسٹریلوی حکومت کے پالیسی ایشوز کے بارے میں بریفنگ دی گئی ۔

(جاری ہے)

آسٹریلیاں کی دونوں فوجی اور سول قیادت نے دہشت گردی کے خلاف جنگ میں پاکستان کی قربانیوں کی تعریف کی اور پاکستانی قوم اور فوج کی قربانیوں کا اعتراف کیا۔

آرمی چیف نے کہاکہ باہمی تعلقات کے فروغ اور پاکستان کے لئے نیک خواہشات کااظہار کیا۔ وہ آسٹریلیا کے نہائت مشکور ہیں۔ انہوں نے کہاکہ دونوں ممالک کے درمیان باہمی دفاعی تعلقات میں اضافہ سے مستقبل میں دوطرفہ تعاون بالخصوص تعلیم، سرمایہ کاری، علاقائی رابطے اور تجارت کو فروغ مل سکتاہے۔