ایف بی آر کا ٹیکس نیٹ میں اضافے کیلئے بڑے بڑے سرکاری اور غیر سرکاری اداروں سے رابطے کا فیصلہ

بدھ 13 ستمبر 2017 23:05

اسلام آباد(اُردو پوائنٹ اخبار آن لائن۔ جمعرات 14 ستمبر 2017ء) فیڈرل بورڈ آف ریونیو (ایف بی آر) نے ٹیکس نیٹ میں اضافے کیلئے بڑے بڑے سرکاری اور غیر سرکاری اداروں سے رابطہ کرنے کا فیصلہ کر لیا ہے ان اداروں میں موجودہ ہزاروں ملازمین قابل ٹیکس آمدنی ہونے کے باوجود ٹیکس ادا نہیں کرتے ہیں ۔ اس سلسلہ میں بدھ کے روز ایف بی آر کے فسلیٹیشن اینڈ ٹیکس پیئرز ایجو کیشن (FATE) ونگ کے ایک وفد نے ممبر فیٹ ایف بی آر محترمہ نوشین جاوید امجد کی قیادت میں آئل اینڈ گیس ڈویلپمنٹ کمپنی لمیٹڈ کے منیجنگ ڈائریکٹر زاہد میر، زرعی ترقیاتی بنک لمیٹڈ کے صدر طلعت محمود اور عسکری بنک لمیٹڈ کے قائم مقام صدر سلیم سرور سے ان کے دفاتر میں الگ الگ ملا قاتیں کیں اور ان کے اداروں کے ان ملازمین کو ٹیکس نظام کے دھارے میں لانے کے لیے تعاون اور مدد کی پیشکش کی جو قابل ٹیکس ادائیگی آمدنی ہونے کے باوجود ٹیکس گوشوارے جمع نہیں کرا رہے ہیں۔

(جاری ہے)

نو شین امجد نے ان اداروں کے سربراہان کو بتایا کہ ایف بی آر ٹیکس گوشوارے جمع کرانے کی تعداد میں خاطر خواہ بہتری لانے کے لیے اگلے چند دنوں میں پچاس سے زائد بڑے سرکاری اور غیر سرکاری اداروں کے سربراہان سے رابطہ کر ے گا تاکہ ان اداروں میں خدمات انجام دینے والے ایسے ہزاروں ملازمین کو ٹیکس گوشوارے جمع کرانے پر قائل کیا جا سکے اس سلسلے میں ایف بی آر نے اداروں کو ہر قسم کی فنی تربیت اور سہولت فراہم کرنے کی پیشکش کی ہے۔

ملا قاتوں میں اس بات پر اتفاق کیا گیا کہ ایسے تمام ملازمین جن کا سالانہ آمدنی قابل ٹیکس ادائیگی سلیب میں آتی ہے اور ان کی تنخواہ سے پہلے ہی سے ٹیکس کی کٹوتی ہو رہی ہے، کو ٹیکس گوشوارے جمع کرانے کے لیے قائل کیا جا ئے گا اور اس اہم قومی فریضے کی ادائیگی میں انہیں تمام ترضروری مدد و معاونت فراہم کی جائے گی۔۔۔۔اعجاز خان

Facebook Twitter Google + Share on Whatsapp

ایف بی آر کا ٹیکس نیٹ میں اضافے کیلئے بڑے بڑے سرکاری اور غیر سرکاری اداروں سے رابطے کا فیصلہ

جمعرات 14 ستمبر 2017 کی مزید خبریں