موصل کی آزادی داعش کے خاتمے کی شروعات ہے،حیدر العبادی

پیر 17 جولائی 2017 16:43

بغداد ۔ (اُردو پوائنٹ اخبارتازہ ترین - اے پی پی۔ 17 جولائی2017ء) عراق کے وزیر اعظم حیدر العبادی نے موصل کی آزادی کو داعش کے خاتمے کی شروعات سے تعبیرکیا ہے۔

(جاری ہے)

ارنا نیوز کے مطابق عراقی وزیراعظم نے مشرق وسطی اور افریقہ کے امور بارے برطانیہ کے خصوصی ایلچی السٹر برٹ سے ملاقات کے دوران کہا کہ عراقی افواج نے عوام کی مدد سے موصل اور دیگر علاقے آزاد کرائے اورکامیابی سے داعش کے خاتمے کی ابتداء کر دی ہے۔

انہوں نے کہا کہ عراقی حکومت عوام کی یکجہتی سے استفادہ کرتے ہوئے تمام مشکلات کا بخوبی سامنا کرے گی۔مشرق وسطی اور افریقہ کے امور بارے برطانیہ کے خصوصی ایلچی نے بھی عراق کے اتحاد اور سلامتی کی حمایت کرنے کا یقین دلایا۔واضح رہے کہ 10 جولائی کو عراقی وزیراعظم نے موصل کی مکمل فتح کا اعلان کر دیا تھا۔

Facebook Twitter Google + Share on Whatsapp

موصل کی آزادی داعش کے خاتمے کی شروعات ہے،حیدر العبادی

متعلقہ عنوان :

مزید بین الاقوامی خبریں