گورنر سندھ کی زیر صدارت مقامی سرمایہ کاروں ، صنعت کاروں اور تاجروں کا مشاورتی اجلاس
اجلاس میں قومی معیشت ، توانائی ، امن و امان ،صوبہ بالخصوص شہر کے مسائل ،فوری حل کی تجاویز اور اصلاحات سمیت دیگر امور پر تفصیلی تبادلہ خیال مقامی سرمایہ کاروں، صنعتکاروں،تاجروں اور ملٹی نیشنل کمپنیز کے چیف ایگزیکٹیوز مشترکہ طور پر ایک تھنک ٹینک تشکیل دیں، اجلاس میں گورنر سندھ کی تجویز
منگل 12 ستمبر 2017 20:31
(جاری ہے)
ان خیالات کااظہار انہوں نے گورنر ہائوس میں مقامی سرمایہ کاروں ، صنعت کاروں ، تاجروں اور ملٹی نیشنل کمپنیز کے چیف ایگزیکٹیوز سے مشاورتی اجلاس سے خطاب میں کیا ۔
جس کی قیادت خرم شہزاد کررہے تھے۔ اجلاس میں قومی معیشت ، توانائی ، امن و امان ، تجاویز اور عملی اقدامات ،صوبہ با الخصوص شہر کے حوالہ سے مسائل اور ان کے فوری حل کی تجاویز اور اصلاحات سمیت دیگر امور پر تفصیلی تبادلہ خیال کیاگیا ۔ اجلاس میں الماس حیدر ، زبیر حیدر شیخ، عبداللہ غفار ، خیام حسین ، فہیم احمد ، عباس اکبر علی ، عدنان رضوی ، امتیاز احمد ، غلام مصطفی ، محمد شاہد امام اور شبیر حمزہ سمیت دیگر بھی شریک تھے ۔ گورنر سندھ نے کہا کہ موجودہ حکومت نے جب اقتدار سنبھالا تو اس وقت اسے دوبڑے مسائل درپیش تھے جن میں امن و امان اور توانائی کا سنگین بحران شامل تھا، لیکن حکومت نے ان دونوں بڑے مسائل کو چیلنج کے طور پر قبول کیا اور آج الحمد اللہ پورے ملک میں امن و امان تیزی سے قائم ہورہا ہے جبکہ توانائی کے بحران میں نمایاں کمی واقع ہو چکی ہے ،وفاقی حکومت پر عزم ہے کہ نومبر 2017 ء میں ملک سے توانائی بحران کے خاتمہ کا اعلان کردیا جائے گا ۔ انہوں نے کہا کہ نیشنل ایکشن پلان کے تحت آپریشن ضرب عضب شروع کرنے سے دہشت گردوں کی علاقائی اجاراداری کا ہمیشہ ہمیشہ کے لئے خاتمہ کردیا ہے اور بھاگنے والے دہشت گردوں کا پیچھا کیا جا رہا ہے آج انھیں چھپنے کی بھی جگہ دستیاب نہیں ہے حکومت ان بچے کچھے دہشت گردوں کو ان کے نظریات سمیت ختم کرکے رہے گی کیونکہ ہم اپنی آئندہ نسل کو محفوظ پاکستان دینا کا عزم رکھتے ہیں ۔ انہوں نے کہا کہ توانائی بحران کے خاتمہ کے لئے ترجیحی بنیادوں پر توانائی کے میگا پروجیکٹس شروع کئے گئے جو تکمیل کے آخری مراحل میں ہیں جن کی تکمیل سے نیشنل گرڈ میں 10400 میگا واٹس بجلی شامل ہونے سے نہ صرف موجودہ طلب بلکہ آئندہ کی طلب کے لئے خود کفیل ہو جائیں گے جبکہ سی پیک منصوبہ میں بھی 34 ارب ڈالرز سے توانائی کے منصوبے شروع کئے جارہے ہیں ۔ انہوں نے کہا کہ وفاقی حکومت کراچی کی ترقی کے لئے خصوصی اقدامات کو یقینی بنارہی ہے ،وفاقی حکومت کے زیر انتظام پہلے ہی کراچی میں مختلف میگا پروجیکٹس پر تیزی سے کام جاری ہے جن میں لیاری ایکسپریس وے ،گرین لائن اور K-IV شامل ہیں جن کی تکمیل سے شہریوں کو دور جدید کی سفری سہولیات ، پینے کے صاف پانی کا دیرینہ مسئلہ کے حل میں مدد سمیت دیگر جدید سہولیات حاصل ہو سکیں گی ،جدید تقاضوں سے ہم آہنگ آمدو رفت کی بہتر ذرائع کراچی کے شہریوں کا بھی حق ہیں اس ضمن میں گزشتہ 8 برس سے تعطل کا شکار لیاری ایکسپریس اب تکمیل کے آخری مراحل میں ہے جبکہ گرین لائن منصوبہ شہریوں کو آمدو رفت کی جدید ترین سہولیات فراہم کرے گا۔ انہوں نے کہا کہ وفاقی حکومت پہلے ہی کراچی میں 50 ارب کے ترقیاتی منصوبوں پر کام کر رہی ہے جبکہ کراچی پیکج کے 25 ارب کے ترقیاتی منصوبوں کے بعد یہ رقم بڑھ کر 75 ارب روپے ہو گئی ہے۔ انہوں نے کہا کہ سرمایہ کاری میں اضافہ اور معاشی ترقی کے لئے خصوصاً صنعتی علاقوں کے انفرا اسٹرکچر کا بہتر ہونا ضروری ہے، اس لئے کراچی پیکج میں صنعتی علاقوں کے انفرا اسٹرکچر پر خصوصی توجہ دی جارہی ہے۔گورنر سندھ نے کہا کہ کراچی پیکج میں شفافیت کو یقینی بنانے کے لئے نجی شعبہ پر مشتمل اسٹیئرنگ کمیٹی اس کی نگرانی کرے گی اور کراچی پیکج کے ترقیاتی منصوبوں کے فنڈز کسی فرد یا ادارے کے حوالے نہیں کئے جائیں گے ، یہ فنڈز گورنر ہاؤس کے تحت مینجمینٹ یونٹ کے ذریعہ خرچ کئے جائیں گے ۔متعلقہ عنوان :
مزید اہم خبریں
-
موبائل رجسٹریشن سسٹم ( کل ) بحال ہو جائے گا
-
آئی ایم ایف ایگزیکٹیو بورڈاجلاس کا29اپریل تک کا شیڈول جاری ‘پاکستان کا اقتصادی جائزہ شامل نہیں
-
وفاقی وزیرخزانہ محمد اورنگزیب کی واشنگٹن ڈی سی میں چینی وزیرخزانہ لان فوان سے ملاقات
-
امریکہ میں فائرنگ، 5 طلبا زخمی، ملزم فرار
-
وفاقی وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات
-
چینی زبان عالمی منظر نامے میں بہت زیادہ اہمیت اختیار کرچکی،اقوام متحدہ کی چھ آفیشل زبانوں میں سے ایک ہے‘ مریم نوازشریف
-
پاکستان میں چینی زبان و ادب کی ترویج کیلئے سرکاری و نجی سطح پر ہر ممکن اقدامات اٹھائے جا رہے ہیں ‘شہبازشریف
-
جناح ہائوس حملہ کیس ،بانی پی ٹی آئی کی بہنوں سمیت 34 ملزمان کی عبوری ضمانتوں میں توسیع
-
حکومت نے اخراجات کے لیے ایک ہفتے کے دوران مقامی بینکوں سے 650 ارب روپے کا قرضہ لیا. اسٹیٹ بینک
-
ضمنی انتخابات:لاہورسمیت پنجاب کے13شہروں میں موبائل فون اور انٹرنیٹ سروس بند رہے گی. محکمہ داخلہ پنجاب
-
ایس ایچ ا و ہڈیارہ نے سی آئی اے اہلکاروں پر منشیات فروشوں کی پشت پناہی کا الزام عائد کر دیا
-
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.