پی بی ایس اے کا ورلڈ سنوکر انڈر 16 چیمپئن شپ کیلئے ٹیم کا اعلان

یکم سے 8 اکتوبر تک روس میں شیڈول ایونٹ میں نسیم اختر، محمد مدثر اور عمر خان ایکشن میں دکھائی دیں گے

جمعرات 14 ستمبر 2017 14:17

پی بی ایس اے کا ورلڈ سنوکر انڈر 16 چیمپئن شپ کیلئے ٹیم کا اعلان

اسلام آباد ۔ (اُردو پوائنٹ اخبارتازہ ترین - اے پی پی۔ 14 ستمبر2017ء) پاکستان بلیئرڈ اینڈ سنوکر ایسوسی ایشن (پی بی ایس ای) نے آئندہ ماہ روس میں شیڈول ورلڈ سنوکر انڈر 16 چیمپئن شپ اوپن 2017ء مینز اینڈ ویمنز کیلئے پاکستان جونیئر ٹیم کو حتمی کر لیا، یکم سے 8 اکتوبر تک شیڈول میگا ایونٹ میں محمد نسیم اختر، شیخ محمد مدثر اور محمد عمر خان ایکشن میں دکھائی دیں گے۔

(جاری ہے)

پی بی ایس اے کی طرف سے جاری کردہ تفصیلات کے مطابق ایونٹ کی تیاری کے سلسلے میں کیوئسٹس کا تربیتی اور پریکٹس کیمپ 18 سے 28 ستمبر تک چیمپئنز سنوکر اکیڈمی لاہور میں لگایا جائے گا، کیمپ میں شرکت کے بعد کیوئسٹس دوبارہ کراچی پہنچیں گے جہاں پر وہ یکم اکتوبر کو میگا ایونٹ میں شرکت کیلئے روس روانہ ہوں گے۔