پاکستانی کرکٹ کے دیوانے نے ہاشم آملا کے نام سے کار تیار کر لی

کر کٹ دیوانے نے گاڑی کو ہاشم آملہ کی تصاویر سے سجا دیا ،گاڑی کے چاروں طرف سو سے زیادہ مختلف تصاویر لگا کرجنوبی افریقی بیٹسمین سے اپنی محبت کا اظہار کیا

جمعرات 14 ستمبر 2017 16:00

پاکستانی کرکٹ کے دیوانے نے ہاشم آملا کے نام سے کار تیار کر لی

لاہور(اُردو پوائنٹ اخبارتازہ ترین - آئی این پی۔ 14 ستمبر2017ء) ورلڈ الیون کی آمد پر صرف لاہور میں ہی کرکٹ کا جنون عروج پرنہیں کراچی تا خیبر سب ہی خوش ہیں۔ہاشم آملہ سے دل کا معاملہ ہونے پر شہر کراچی میں کرکٹ کے ایک دیوانے نے ہاشم آملہ کے نام سے کار تیار کرکے ان سے محبت کا اظہار کیا۔

(جاری ہے)

کراچی میں ایک دیوانے نے اپنی گاڑی کو ہاشم آملہ کی تصاویر سے سجا دیا ،گاڑی کے چاروں طرف سو سے زیادہ مختلف تصاویر لگا کرجنوبی افریقی بیٹسمین سے اپنی محبت کا اظہار کیا۔صرف یہی نہیں گاڑی کی چھت پر آملہ کی بڑی سے تصویر لگاکر شہر کی سڑکوں پربھی خوب گھمایااور گاڑی کو ہاشم آملہ کا نام دیا۔