3ارب روپے کی منی لانڈرنگ این ٹی ایس کے ڈائریکٹر ہارون رشید کے وارنٹ گرفتاری جاری

Mian Nadeem میاں محمد ندیم منگل 21 نومبر 2017 16:18

3ارب روپے کی منی لانڈرنگ این ٹی ایس کے ڈائریکٹر ہارون رشید کے وارنٹ ..
راولپنڈی(اردوپوائنٹ اخبارتازہ ترین-انٹرنیشنل پریس ایجنسی۔21نومبر۔2017ء) کسٹم عدالت نے پونے 3 ارب روپے کی منی لانڈرنگ اور انکم ٹیکس چوری کے الزام میں ڈائریکٹر این ٹی ایس ہارون رشید کے وارنٹ گرفتاری جاری کردیئے ہیں۔راولپنڈی کی خصوصی کسٹم عدالت میں پونے 3 ارب روپے کی منی لانڈرنگ اور انکم ٹیکس چوری کے کیس کی سماعت جج شیراز کیانی نے کی۔

عدالت میں ان لینڈ ریونیو نے موقف اختیار کیا کہ ملزمان نے پونے 3 ارب کی ٹیکس چوری اور منی لانڈرنگ کی ہے عدالت ملزمان کو منی لانڈرنگ ایکٹ اور ٹیکس چوری کے الزام میں سخت سے سخت سزائیں دی جائیں۔عدالت نے ریفرنس باقاعدہ سماعت کے لئے منظور کرتے ہوئے این ٹی ایس کے ڈائریکٹر ہارون رشید کے وارنٹ گرفتار جاری کرتے ہوئے حکم دیا کہ انہیں آئندہ پیشی پر گرفتار کرکے عدالت میں پیش کیا جائے۔

(جاری ہے)

عدالت نے این ٹی ایس کے چیف ایگزیکٹو سمیت تمام ڈائریکٹرز ڈاکٹر جنید زیدی ، ڈاکٹر اظہار حسین، ڈاکٹر سہیل غنی، ڈاکٹرشاہد اعوان اور ڈاکٹر شیرزاہ خان کے بینک اکاﺅنٹس، منقولہ و غیرمنقولہ جائیدادیں منجمد کرنے کی درخواست سماعت کے لئے منظور کرلی ہے۔ عدالت نے تمام ملزمان کو نوٹس جاری کرتے ہوئے جواب طلب کرلیا ہے۔عدالت نے تمام ملزمان کے خلاف ان لینڈ ریونیو کا ریفرنس بھی بھی سماعت کے لئے منظور کرتے ہوئے ریفرنس کی نقول ملزمان میں تقسیم کردی ہیں، جب کہ عدالت نے کہا ہے کہ تمام ملزمان پر فردِجرم 13 جنوری 2018 کو عائد کی جائے گی۔

عدالت نے تمام ملزمان کو آئندہ سماعت سے پہلے فی کس ایک لاکھ روپے کے مچلکے جمع کرانے اور ایک ایک ضامن عدالت میں پیش کرنے کا حکم دیا ہے۔

متعلقہ عنوان :