نواز شریف کا راستہ روکنے کیلئے کسی سے بھی ہاتھ ملانے سے گریز نہیں کریں گے: رہنما تحریک انصاف فیصل واڈا

muhammad ali محمد علی منگل 13 مارچ 2018 20:40

لاہور (اُردوپوائنٹ اخبارتازہ ترین۔13 مارچ 2018ء) رہنما تحریک انصاف فیصل واڈا کا کہنا ہے کہ نواز شریف کا راستہ روکنے کیلئے کسی سے بھی ہاتھ ملانے سے گریز نہیں کریں گے۔ تفصیلات کے مطابق گزشتہ روز مسلم لیگ ن کو چئیرمین اور ڈپٹی چئیرمین سینیٹ کے الیکشن میں اپ سیٹ شکست کا سامنا کرنا پڑا تھا۔ ن لیگ کو تحریک انصاف اور پیپلز پارٹی کے غیر متوقع اتحاد کے باعث شکست کا سامنا کرنا پڑا۔

(جاری ہے)

اس حوالے سے اب رہنما تحریک انصاف فیصل واڈا کی جانب سے نجی ٹی وی چینل کے پروگرام سے گفتگو کرتے ہوئے ردعمل دیا گیا ہے۔ فیصل واڈا کا کہنا ہے کہ نواز شریف کا راستہ روکا جانا ضروری تھا اور گزشتہ روز سینیٹ میں یہی کیا گیا۔ فیصل واڈا کا مزید کہنا ہے کہ نواز شریف کا راستہ روکنے کیلئے کسی سے بھی ہاتھ ملانے سے گریز نہیں کریں گے۔ جس بھی جماعت سے اس مقصد کیلئے اتحاد کرنا پڑا، تحریک انصاف اس کیلئے سنجیدگی سے غور کرے گی۔